Iris Salten IKS la suohkanijgasskasasj renovasjåvnnåvidnudahka oajvvekåntåvråjn Vikanin Bådådjo ålggolin.

Iris Salten doajmmá daj avtse suohkanijn Sálton, gudi aj vidnudagáv æjgguji. Æjgátoasse la suohkanij viesátlågoj milta juogeduvvam. Sállto la Sáltoduoddaris oarjján gitta Hábmerij nuorttan, Bådådjojn guovdátjin.

Mijá vidnudakrenovasjåvnnå la kommersiála doajmma ja la oassen Retura-aktisasjbargos. Retura Iris jådet gájka Retura-vidnudagájt Nuorttalij-Vuonan.

Viedtjap ja giehtadallap rutsijt gådijs ja vidnudagájs, ja midjij la ájnas liehket servicemielak ja buorre aktisasjbarggoguojmme. Rutsijt majt ep ietja ållu loahppaj giehtadalá, sáddip buorre aktisasjbarggoguojmijda ma de dajt giehtadalli.

Uddni ep desti rutsij birra giehto, ájnat gåktu ådåsit ressursajt adnet ådå buktagijda. Danen la rutsijt tjuolldet ájnnasamos majt dån dagá. Dunji viehkken lip tjuolldembagádusáv dahkam julevsámegiellaj.

Tjuolldembagádusáv dáppet viettja. (PDF, 526KB)